Mat Gondrong
Karya: Haikal Nur Hazazi
È sèttong
dhisa bâdâ bâjing se ampon kalonta angkona bân bengngissa. Bâjing ka’dinto
anyama Mat Gondrong. Mat Gondrong rèya bhâdhânna rajâ tor tèngghi bân ghâdhuwân
tato e sakabbhina bâdhânna, hal jarèya se maghâbây rèng-orèng e dhisa jarèya tako’
dâ’ Mat Gondrong.
È sèttong arè
Mat Gondrong kalaparan, pas lajhu èntar da’ pasar, ngala’ sakabbhina jhâjhânna
oreng sè badâ e pasar, namong orèng se ajhuwâl padâ tako’ ka Mat Gondrong
amarghâ lakar ce’ bengngissa ongghu da’ ka rèng-orèng. ”Hahahaha.. Engko’ lapar satèya, dhuli bhâghi jhâjhânna
kabbhi.” Dâri sakèng tako’na ka Mat Gondrong jarèya pas rèng-orèng sè ajhuwâlân
e pasar pas buruh kabbhi tako’ ka Mat Gondrong.
Namong bâdâ sèttong orenng rowa engghi ka’dinto g è paddhu pasar orè nak-kanak ngodâ sè ajhuwâlân tapai è pakon
orèng seppona. “hey, bâ’na sapa cong? Mik ngal-mabângal tak buruh ènga’ sè
laen? Bâ’na ta’ tao engko’ rèya sapa?” Mat Gondrong aorak ka na’-kana’ ngodâ
jarèya namong moso na’-kana’ jarèya ta’
è èjâbbhi. “woi, bâ’na ta’ ngèding se èkacaca engko’? engko’ reya Mat
Gondrong.” Mat Gondrong aorak è adâ’na mowana na’-kana’ ngodâ jareya. “engko’ tao bâ’na rèya Mat Gondrong sè
ekatako’è e dhisa dinna’. Apa bâ’na tao engko’ rèya sapa?” na’-kana’ ngodâ
jârèya pas abèles cacana Mat Gondrong. “Engko’ rèya sè negghu’ dhisa dinna’”
ngèding cacana na’ kanak jarèya pas Mat Gondrong pegghel “Apa? Ta’ mungkin
bâ’na se negghu’ dhisa edinnak, sakabbhina orèng e kampong dinna’ tako’ ka
engko’ kabbhi”. “bhe.. bâ’na ta’ partajâ? Mara ebuktèaghiyâ.” Ca’na nak kanak
jarèya. Pas Mat Gondrong ajâwaèb “ Bâremma carana?”. Na’-kanak jarèya ngoca’ “
mara bâ’na noro’ engko’ ka oreng kampong tèngghu engko’ ajâlan pagghun
sakabbhina orèng pagghun tako’ da’ engko’” Mat Gondrong ajâwab “ Siap, lagghuna
engko’ bâkal noro’a bâ’na èntar dâ’ rèng-orèng.”
Saampona
panèka, na’-kana’ ngodâ kasebbhut entar dâ’ romana orèng è dhisana bân ebudina
na’-kana’ jarèya bâdâ Mat Gondrong ajâlaân è budina. “Huahahahaha. . . Sapa sè
bângal alabân engko’ dhuli kadinna’! mayuh sapa’a bhâi ! “ na’-kana’ jarèya
aorak. Saampona ghâpanèka pas rèng-orèng se pegghel kalowar dâri romana nyambih
tong-pentong bân pakakas laenna, namong pas alabânna da’ na’kana’ ngodâ
kasebbhut , rèng-orèng ngabâs è budina bâda Mat Gondrong, dâri dissa’ pas rèng-orèng
buruh kabbhi da’ romana bang-sèbâng tako’ ka Mat Gondrong sè bâdâ è budina.
Mèlana jarèya pas Mat Gondrong Minta sapora da’ na’-kana’ ngodâ kasebbhut
polana la ta’ partajâ da’ jhâ’ lakar se negghu’ dhisana. Saampona kadaddhiyân panèka Kalagghuanna Mat Gondrong
Tak e tangalè pole è dhisa dissa’ sampe’ saterrossa.
